ಸಖೀಗೀತ

ನಾನಿಲ್ಲದೇ ಇರುವಾಗ
ಹೇಗಿದ್ದೆ ನಲ್ಲ
ನನ್ನ ವಿರಹದ ನೋವು ...
ಅಗಲಿಕೆಯ ನಿಟ್ಟುಸಿರು
ಬಾಧಿಸಿತೇ ನಿನ್ನ ಮನಕೆ
ಹಲವು ದಿನಗಳ ನಂತರ
ನನ್ನವಳು ಕಣ್ಣುಗಳಲ್ಲೀಯೇ
ಕುಡಿನೋಟದಿಂದ ಕೇಳಿದ್ದು


ಸಖೀ
ನೀ ನಿಲ್ಲದೇ ಹೋದರೆ
ನೀನು ನಿಲ್ಲದೇ ದೂರ ಹೋದರೆ
ನಾನೂ ನಿನ್ನೊಡನಿದ್ದೆ
ಅನುಕ್ಷಣವೂ ನಿನ್ನ
ಉಸಿರಿನಲ್ಲಿ ಉಸಿರಾಗಿ
ಹೃದಯದ ಮಿಡಿತವಾಗಿ
ನಿನ್ನೊಳಗೇ ಕರಗಿ ಹೋಗಿದ್ದೆ


ನೀನಿಲ್ಲದಿರುವಾದ ಎನ್ನಲು
ನೀನೆಲ್ಲಿ ಹೋಗಿದ್ದೆ ಸಖೀ
ನಿನ್ನ ಸವಿ-ನೆನಪುಗಳ ಸುಳಿಯಲ್ಲಿ
ನನ್ನನ್ನೂ ಸೆಳೆದುಕೊಂಡಿದ್ದೆ
ಎನ್ನ ಮನದಲ್ಲಿ
ಪಿಸುಮಾತು ಹೇಳುತ್ತ
ನನ್ನೊಡನೆಯೇ ಇದ್ದೆ ನೀನು


ಕಣ್ಣ ರೆಪ್ಪೆಗಳ ಅಡಿಯಲ್ಲಿ ಕುಳಿತು
ಕಣ್ಣು ಮುಚ್ಚಿದಾಗಲೋಮ್ಮೆ
ನಿನ್ನಿರವ ತೋರುತ ಮುದಗೊಳಿಸುತ್ತಿದ್ದೆ
ಹೃದಯವು ಮಿಡಿಯುವ
ಒಂದೊಂದು ಮಿಡಿತದಲಿ ಮಿಳಿತಗೊಂಡು
ಪಂಚಮದಲ್ಲಿ ಪ್ರೇಮರಾಗವ ನುಡಿಸುತ್ತಿದ್ದೆ
ನೀನು ನನ್ನೊಳಗಿಂದ ಹೋಗಲೇ ಇಲ್ಲ
ನಾನು ಕೊನೆಯುಸಿರೆಳೆಯುವ ವರೆಗೆ
ನೀನೆಲ್ಲಿಗೂ ಹೋಗುವುದಿಲ್ಲ