ಸಖೀ ಗೀತ

ಅವಳೆಡೆಗೆ
ನೋಡ-ನೋಡುತ್ತಿದ್ದಂತೆಯೇ
ಬರಿದಾಗಿತ್ತು ಎನ್ನೆದೆಯ ಗೂಡು
ಹಿಡಿ ಗಾತ್ರದ ಹೃದಯ ಬಡಿಯುತ್ತಿದ್ದರೂ
ಮಿಡಿತ ಎನ್ನದಾಗಿರಲಿಲ್ಲಾ...

ಅವಳೆಡೆಗೆ ನೋಡಿದಾ ಕ್ಷಣ
ನೋಟಗಳೆರೆಡೂ ಸಂಧಿಸಿದಾ ಕ್ಷಣ
ಅಚ್ಚಂರಿಯಿಂದ ಬೆರಗಾಗಿ
ನೋಡುವಾಗಲೇ
ಹೃದಯವನು ಕದ್ದೊಯ್ದಳವಳು

ಎನ್ನೆಡೆಗೆ ಅವಳು ಕೈ-ಚಾಚಿದ್ದು ಕಾಣಲಿಲ್ಲ
ಅಥವಾ
ಅವಳ ಕಣ್ಣೆವೆಗಳಲಿ ಲೀನವಾಗಿರುವಾಗ
ಜರುಗಿದ ವಿಸ್ಮಯವ !!!
ನಾ ಗಮನಿಸಲಿಲ್ಲಾ...

ಎನ್ನ ಹೃದಯವನು ಅವಳು ಕದ್ದಳೋ
ಬಾಲೆಯೆಡೆಗೆ ತಡಬಡಿಸಿ
ಹೃದಯವೇ ಹಿಂಬಾಲಿಸಿತೋ
ನನಗೇನೂ ತಿಳಿಯದು...
ಎದೆಯ ಗೂಡಿನಲಿ ಮಂದ್ರವಾಗಿ ಹರಿಯುತಿದೆ
ಅವಳ ಪ್ರೇಮದಾ ಸಂಗೀತ...