ಸಖೀಗೀತ

ಸಖೀ....
ನಿನ್ನ ಪ್ರೇಮದ ನೋಟವೊಂದು
ಹುಲ್ಲು-ಗರಿಕೆಯ ಅಂಚಿನಲಿ
ಇಬ್ಬನಿಯ ಬಿಂದುಗಳಲಿ
ಹೊಳೆವ ಸೂರ್ಯರಶ್ಮಿಯ ಭಾವ


ಅರಳಿರುವ ಹೂವಿನ ಸುತ್ತ
ಸುಳಿದಾಡುವ ಭ್ರಮರದಂತೆ
ಅನುಗಾಲ ಮನದಲ್ಲಿ
ನನ್ನ-ನಿನ್ನ ಸರಸಗಾನ


ಬಂಡೆಗಲ್ಲುಗಳ ಬಳಸಿ
ಮೆಲ್ಲಗೆ ಹರಿಯುವ ತೊರೆಯ
ಜುಳು-ಜುಳು ನೀನಾದದಂತೆ
ಮಿಡಿಯುವುದು ಹೃದಯ ನಿನಗಾಗಿ


ಹುಣ್ಣಿಮೆಯ ರಾತ್ರಿಯಲಿ
ಹಾಲು ಸುರಿದಂತೆ ಹರಡಿರುವ
ಚಂದ್ರಿಕೆಯ ಸಂಭ್ರಮದ ತೆರದಿ
ಹೃದಯದಲಿ ಬೆಳಗುವುದು ನಿನ್ನ ಪ್ರೇಮಜ್ಯೋತಿ