ಪ್ರೀತಿ

ಎನ್ನ ಮನದಾಳದಿ

ಪ್ರೇಮ ಬೀಜವನೆರಚಿ

ಮರೆಯಾಗಿ ಹೋದೆ ನೀನು

ಮೊಳಕೆಯೊಡೆಯುತಿದೆ ಪ್ರೀತಿ

ಅಂತರಂಗವ ಚಾಚಿ...

ಮತ್ತೆ ಮೂಡಿದೆ ಮೂಡಣದಿ

ಪ್ರೇಮ ರಶ್ಮಿಯ ರಂಗು

ಬಾನಿನ ಅಗಲಕೆ ತೆರೆದಿದೆ

ಎನ್ನ ಹೃದಯಾ

ಮನವು ಬಯಸುತಿದೆ

ರಂಗುರಂಗಿನ ಕಾಮನಬಿಲ್ಲು

ಹೃದಯ ಬಡಿತವು ಹಾಡಿದೆ

ಪ್ರೇಮಗೀತೆಯನು ಇಂದು

ಬಾ ಗೆಳತಿ ಬೇಗ

ಒಂದಾಗು ಎನ್ನ ಸ್ವರದೀ......

ನಿನ್ನ ಹನಿ ಪ್ರೀತಿ...
ಮುತ್ತಾಗಿ ಅರಳಿದೆ
ಎನ್ನ ಎದೆ ಚಿಪ್ಪಿನೊಳಗೆ
ಎದೆ ಬಡಿತದೊಡಗೂಡಿ
ಪ್ರೇಮ ರಾಗವ ಹಾಡಿ
ತಂತುಗಳ ಮೀಟುತಿದೆ
ಪ್ರೇಮ ರಾಗವ ಹಾಡುತಿದೆ
ಗೆಳತೀ......