ಓ ಎನ್ನ ಪ್ರೀತಿ

ಓ ಎನ್ನ ಪ್ರೀತಿ

ನಾನು ಹೇಳಲಾರೆ ನಿನಗೆ

ನನ್ನೆದೆಯಾಳದ ಭಾವನೆ...

ನಾನು ಹೇಳಲಾರೆ...

ನಾನು ನಿನಗಾಗಿ, ನೀನು ನನಗಾಗಿ

ನಿನಗಾಗಿ ನನ್ನ ಪ್ರಾಣ

ಕೊಡುವೆ ಎಂದೂ ಹೇಳಲಾರೆ

ನೀನಿಲ್ಲದೇ ಈ ಜಗವೆಲ್ಲ

ಶೂನ್ಯವೆಂದೂ ನಾ ಹೇಳಲಾರೆ

ಬದುಕಿದರೂ ನಿನಗಾಗಿ ಸತ್ತರೂ ನಿನಗಾಗಿ

ಎನ್ನುತ ನನ್ನ ಸಾವಿಗೆ ನಿನ್ನ ಹೆಸರಿಡಲಾರೆ

ಇವೆಲ್ಲವೂ ನನ್ನ ಮಾತುಗಳಲ್ಲ

ಈ ಜಗದಿ ತಲತಲಾಂತರಿಂದ

ನಿವೇದಿಸಿಕೊಂಡ ಪ್ರೇಮದ

ಕನವರಿಕೆಗಳು

ನನ್ನ ಪ್ರೇಮ ನಿವೇದನೆಯು ಇಷ್ಟೇ

ನನ್ನದೊಂದು ಪುಟ್ಟ ಹೃದಯವಿದೆ

ಅದರಲ್ಲಿ ನೀನು ಬಂದು ನೆಲೆಸು

ನನ್ನ ಇರುವಿಕೆಯ ಹೃದಯಬಡಿತವಾಗಿ......