ಪ್ರೇಮ ಸಿಂಚನ

ವಸುಂಧರೆಯ
ಸಾರ-ಸತ್ವವನೆಲ್ಲವನೂ
ತಾಯ ಬೇರಿನಿಂದ ಹೀರಿ...
ಮೈದಳೆದು ನಿಂತಿರುವೆ
ನಿನ್ನ ಪ್ರೀತಿಯನೇ ಹೊತ್ತು
ಶಿರಬಾಗಿ ನಿಂತಿರುವೆ
ನಿನ್ನ ಪ್ರೇಮಾಮೃತವು
ಅಂತರಂಗದಲಿ ತುಂಬಿ
ಸವಿ ಜೇನ ಸಿಂಚನವಾ
ಹರಿಸಿಹುದು ಹನಿಯಾಗಿ
ನೋಡುಬಾ ನಲ್ಲೆ
ಹೃದಯವೇ ತೆರೆದಿದೆ
ಹಸಿರಾಗಿ, ಪ್ರೀತಿಯ ಸಂಭ್ರಮ
ಮಂಜ ಹನಿಯಾಗಿ
ನಿನ್ನ ಪ್ರೀತಿಯ ಮೊಗ್ಗು
ಅರಳಿ ಮನಸೂರೆಗೊಳ್ಳುವ
ಪರಿಮಳವ ಚೆಲ್ಲಿ
ಅವರಿವರು ಕೈಹಾಕಿ
ಕಿತ್ತು ಮುಡಿಯುವ ಮುನ್ನ
ಎನ್ನ ಕಡೆಗೊಮ್ಮ ನೋಡು
ಎನ್ನ ಎದೆಯಲ್ಲಿ ಹುಟ್ಟಿದ
ಪ್ರೇಮ ಜ್ಯೋತಿಯನು
ನಿನ್ನೆದೆಯ ಪುಟ್ಟ ಗೂಡಿನಲ್ಲಿ ಬೆಳಗಿಸಿ
ಬೆಳಗು ಬಾ ಎನ್ನ ಜೀವನವಾ .....