ತೃಷೆ....

ಐಷಾರಾಮಿ ಸೌಕರ್ಯಗಳ
ಸುಖವನ್ನು ಅನುಭವಿಸುತ್ತ
ಗಳಿಸಿದ್ದನ್ನೆಲ್ಲಾ ಉಳಿಸಿಕೊಳ್ಳಲು
ಹಗಲಿರುಳು ಶ್ರಮಿಸುತ್ತಾ....

ಹೊಟ್ಟೆಬಿರಿಯುವಷ್ಟು ತಿಂದು
ಬೀದಿಬದಿಯಲಿ ಬೀಸಾಕಿದ
ದೀನದಲಿತರ ತುತ್ತು ಕೂಳು...
ನೀರು-ಬೀರುಗಳು, ಪೆಪ್ಸಿ-ಕೋಲಾಗಳು
ಸೋಡಾ ಬೆರೆಸಿದ ಪರದೇಶಿ ಬ್ರ್ಯಾಂಡಿನ
ವಿಧ ವಿಧ ಪೇಯಗಳು
ಕಂಠ ಮಟ್ಟದವರೆಗೂ ಕುಡಿದು
ಕುಪ್ಪಳಿಸುವವರ ಕಾಲಸಂದುಗಳಲ್ಲಿ
ಪ್ರವಾಹದಂತೆ ಹರಿಯುತ್ತ
ಬಾಯಾರಿ, ಬಳಲಿ
ಹನಿ ನೀರಿಗೂ ಹಪಹಪಿಸುತ್ತ
ಆಜನ್ಮವೂ ತೀರದ ಬಡವರ ತೃಷೆ....

ಕೊಳೆಗೇರಿ ಪಕ್ಕದಲಿ
ಹರಿಯುವ ಚರಂಡಿ ನೀರಿನಲಿ
ಸಮ್ಮಿಳಿತಗೊಂಡು

ಹರಿಯುತಿರುವುದು ಅನವರತ
ಬಡವ-ಬಲ್ಲಿದರ ಬೇಧವನೂ ಮೀರಿ
ದೀನ-ದಲಿತರ, ಬಡವರ
ಕಣ್ಣೀರು, ಬೆವರುಗಳು ಸೇರಿ....