ಲಹರಿ.....

ಅಂತರಾಳದ

ಬಿಂದುವಿನೊಳಗೆ
ಉದ್ಭವವಾದ ಭಾವಕಣ
ಸಮತೋಲಿತ ವಿಚಾರವಿದ್ದವಿಗೆ
ಬೆಳೆಯುತ್ತಾ, ಬೆಳೆಯುತ್ತಾ
ನಿಯಂತ್ರಣ ಮೀರಿ
ಬಿಂದುವಿಗೆ-ಬಿಂದುಗಳು ಸೇರಿಕೊಂದು
ರೇಖೆಯಾಗಿ...

ಒಂದೊಮ್ಮೆ ಸರಳವಾಗಿ ಮತ್ತೊಮ್ಮೆ
ವಕ್ರವಾಗಿ
ಒಂದಿನಿತು ಅಂತರವನಿತ್ತು
ಅಕ್ಷರಗಳಾಗಿ ಒಲಿದು
ಒಮ್ಮೊಮ್ಮೆ ನಿರಂತರವಾಗಿ ಹರಿದಾಡಿ...
ಚಿತ್ರಕಾರನಿಗೆ ಕಲಾಕೃತಿಯಾಗಿ
ನಾಟ್ಯರಾಣಿಗೆ
ನಿರ್ವಾತದಲಿ ಚಲಿಸುವಾ ಸಂಜ್ಞೆಯಾಗಿ
ಕೈ-ಕಾಲುಗಳೊಡಗೂಡಿ ಚಲಿಸುವಾ
ನಾಟ್ಯವಾಗಿ...
ಸೃಜನಶೀಲ ಸಾಹಿತಿಗೆ ಕಲೆಯಾಗಿ ಒಲಿದಿತ್ತು
ಗೊತ್ತು-ಗುರಿಯಿಲ್ಲದವನ
ಮನವೆಂಬ ಪರದೆಯಲಿ ಕಪ್ಪು-ಕಪ್ಪಾಗಿ
ಮತಿಗೇ ಗ್ರಹಣ ಹಿಡಿದಿತ್ತು...