ಎಣಿಕೆ

ಜೀವನದಿ ಕಳೆದಿರುವ
ಕ್ಷಣಗಳನ್ನು ಕಣ್ಣೀರಿನ ಹನಿಗಳಿಂದ ಎಣಿಸಬೇಡ
ನಿನ್ನಿಂದ ನಕ್ಕು ನಲಿದಿರುವ ಸ್ನೇಹಿತರ
ಸಂತಸದ ಘಳಿಗೆಗಳಿಂದ ಎಣಿಸು

ಬಾಳ ಮುಸ್ಸಂಜೆಯಲಿ
ಆಯುಷ್ಯವನ್ನು ವರ್ಷಗಳಿಂದ ಅಳೆಯಬೇಡ
ಜೀವನದಾದ್ಯಂತ ಗಳಿಸಿರುವ
ಸ್ನೇಹಿತರ ಸಂಖ್ಯೆಯೊಡನೆ ಎಣಿಸು

ನಿನ್ನ ಕತ್ತಲೆಯ ಕ್ಷಣಗಳನ್ನು
ಅಂಧಕಾರದ ನೆರಳುಗಳಿಂದ ಎಣಿಸಬೇಡ
ಕಾರಿರುಳಿನಲ್ಲಿ ಬೆಳಗುತ್ತಿರುವ
ತಾರೆಗಳ ಸಂಖ್ಯೆಯೊಡನೆ ಎಣಿಸು

ನಿನ್ನ ದಿನಗಳನ್ನು
ಸೂರ್ಯರಶ್ಮಿಯ ಹೊಂಗಿರಣಗಳಿಂದ ಎಣಿಸು
ಆಗಸದಿ ಕವಿದಿರುವ
ಕಾರ್ಮೋಡಗಳ ಮರೆತು

ನಿನ್ನ ತೋಟದ ಅಂದವನು
ಅರಳಿರುವ ಸುಂದರವಾದ
ಹೂಗಳ ನೋಡಿ ಎಣಿಸು
ಉದುರುತ್ತಿರುವ ಎಲೆಗಳನ್ನು ಮರೆತು