ಅವಳು

ಸಮಾರಂಭದ ನಡುವೆ
ರಂಭೆಯಂತ ಸುಂದರಿ
ನಾಚಿಕೆಯೇ ಮೈವೆತ್ತಂತೆ ಕುಳಿತಿದ್ದಳು...
ತಲೆ ಎತ್ತಿ ನೋಡುವುದಿರಲಿ
ಮುಖವನ್ನೇ ನೆಲದಾಳಕ್ಕಿಳಿಸಿದಂತೆ
ಅವಳ ಹಾವ-ಭಾವ
ಆಗಾಗ ಮುಖದಲ್ಲಿ ಮೂಡುವ
ಅವಳ ಮಂದಹಾಸ
ಅಯ್ಯೋ ದೇವ್ರೇ ಈ ಕಾಲದಲ್ಲಿ
ಹೀಗೂ..... ಉಂಟೇ
ಅಂತ
ಹತ್ತಿರದಲ್ಲಿ ಹೋಗಿ ಇಣುಕಿ ನೋಡಿದರೆ
ಸುಂದರವಾದ ಅವಳ
ಕೈಬೆರಳುಗಳು
ಮೋಬೈಲ್ ಕೀಗಳ ಮೇಲೆ ನಲಿದಾಡುತ್ತಿವೆ
ಮೆಸೇಜುಗಳ ಪ್ರವಾಹದಲ್ಲಿ
ಅವಳು ಕೊಚ್ಚಿಹೋಗಿದ್ದಾಳೆ
ತನ್ನ ಇರುವಿಕೆಯನ್ನೇ ಮರೆತಂತೆ......