ಪ್ರಶ್ನೆಗಳು

ಕೆಲವು ಪ್ರಶ್ನೆಗಳಿಗೆ
ಇಲ್ಲ ಉತ್ತರ
ತತ್ತರಿಸಿಬಿಡುತ್ತವೆ ನಾವು
ಅದು ಯಾಕೆ ಹೀಗೆ ?
ಹೀಗೇಕೆ ??


ಅವಳ ಕಣ್ಣ ನೋಟವು
ಎನ್ನೆದೆಯ ಇರಿಯುವದೇಕೆ ?
ಪ್ರೀತಿಯ ಧಾರೆಗೆ
ಹೃದಯ ತಂಪಾಗುವುದೇಕೆ ?
ಮತ್ತೆ ಮತ್ತೆ ಮನಸು
ಅವಳತ್ತ ಸುಳಿಯುವದೇಕೆ ?


ಈ ಪ್ರೀತಿ ಮೂಡುವುದೆಲ್ಲಿ
ಮನದಲ್ಲೋ, ಹೃದಯದಲ್ಲಿಯೋ
ಪ್ರೇಮದಾಟದ ಕಾಮನಗೆಳು
ಮೈಮನಗಳ ತುಂಬಿ ಕೆಣಕುವುದೇಕೆ ?
ಆಂತರ್ಯದಲಿ ಪ್ರೀತಿಯಿದ್ದರೂ
ಮೈಮನಗಳು ಪುಳಕಗೊಳ್ಳುವದೇಕೆ ?


ಅವಳು ಬಂದಾಕ್ಷಣ
ಮೊದಲು ಮಾತನಾಡುವುದು ಕಣ್ಣುಗಳೇಕೆ ?
ನೂರು ಭಾಷೆಗಳು ಸಾವಿರ ಮಾತಾಗಿ
ಮತ್ತೆ ವಿದಾಯವನು ಹೇಳುವುದು
ಕಣ್ಣುಗಳೇಕೆ ?


ಉತ್ತರವಿಲ್ಲದ ಪ್ರಶ್ನೆಗಳಿಗೆ
ಸಖೀ ನಾವು ತತ್ತರಿಸುತ್ತೇವೆ....