ಸಖೀಗೀತ

ಸಖೀ....

ಒಮ್ಮೆ ನಿನ್ನನೊಪ್ಪಿದ ಜೀವ
ತನ್ನತನವನ್ನೂ ಕಳಚಿ
ಅಪ್ಪಿಕೊಂಡಿದೆ ನಿನ್ನ ಅನವರತ....

ಕಾಲಗಣನೆಯ ಮೀರಿ
ವಿರಹ, ಮಿಲನ, ಕೀಟಲೆ-ಕೋಟಲೆ
ವಾಚಾಳಿತನವ ಮೀರಿ
ಬೆಸದುಕೊಂಡಿದೆ ನಮ್ಮ ಸಂಬಂಧಗಳು...

ನಿನ್ನೊಲುಮೆಯ ಬಳ್ಳಿ
ಬದುಕಿನಲೆಲ್ಲ ಬೆಸೆದುಕೊಂಡು
ಹಸಿರು ತಂದಿರಲು ಬಾಳಲಿ
ಕೊನೆಯುಸಿರವರೆಗೆ ಬತ್ತದೆನ್ನ ಪ್ರೀತಿಯ ಚಿಲುಮೆ

ಕಾಲವನು ಮೀರಿ ಪ್ರೀತಿಸುವೆ
ನಾ ಕಾಲವಾದರೂ ಪ್ರೀತಿಸುವೆ
ಪಾಳು ಬಯಲಿನಲಿ
ನಿಂತ ಮಾಸ್ತಿ(ಮಹಾಸತಿ) ಕಲ್ಲಿನಂತೆ