ಹಾಗೇ ಸುಮ್ಮನೇ....

ಹೇಳದೇ ಹೋಗುವುದು....
ಕಾಲ ಮತ್ತು "ನಾನು" ಮಾತ್ರ.....

ಕಾಲ ಸರಾಗವಾಗಿ ಓಡುತ್ತೆ
ನಮ್ಮ ಸಂತಸದ ಸಮಯದಲಿ
ಕಾಲಕೂ ಹೆಜ್ಜೆಗಳು ಭಾರ
ನಮ್ಮ ಸಂಕಷ್ಟ ಸಮಯದಲಿ

ಅರಿವು ಬಂದಾಗಲೇ ಅಂದುಕೊಂಡೆ
"ನಾನು" ಹೋಗಬೇಕೆಂದು
ಹೆಜ್ಜೆ ಇಟ್ಟಾಗಲೊಮ್ಮೆ ಸಾಬೀತಾಗಿದೆ
ಅದು ಸುಲಭದಲಿ ಸಾಧಿಸುವದಿಲ್ಲವೆಂದು.....

ಗೋಜಲು, ಗೊಂದಲ ಸಂಬಂಧಗಳ
ಸುಳಿಯಲ್ಲಿ ಸಿಲುಕಿಕೊಂಡು
ನಿಶ್ಚಲವಾಗಿದೆ, ವಿಹ್ವಲವಾಗಿದೆಯೆನ್ನ ಮನ
ಇದಕ್ಕೆ ಕಾಲವೇ ಸಾಕ್ಷಿ...

ಕತ್ತಲೆಯ ಮೂಲೆಯಲಿದ್ದರೂ
ಗೋಚರಿಸುತ್ತಿದೆ
ಎಲ್ಲ ಕಳಚಿ ಬಯಲಾಗುವವರೆಗೆ
"ನಾನು" ಹೋಗುವುದು ಸಾಧ್ಯವಿಲ್ಲವೆಂದು....